Լրացուցիչ տեղեկատվություն

Գաղտնիք չէ, որ տեղեկատվությունը սեփական իրավունքների և առողջության պահպանման գրավականներից է: Մեր օրերում այս ճշմարտությունն առավել մեծ կարևորություն է ստացել. արդի քաղաքակրթության հրամայականները ժամանակաշրջանի չարիքների դեմ պայքարի նոր միջոցներ են թելադրում:

Այս բաժնում դուք կարող եք գտնել թմրամոլության, ՄԻԱՎ/ՁԻԱՀ-ի, առողջության պահպանման հետ այս կամ այն կերպ առնչվող մի շարք օրենքներ: Օգտակար հղումներ ենթաբաժնի միջոցով կարող եք ծանոթանալ ՄԻԱՎ/ՁԻԱՀ-ի, թմրամոլության դեմ պայքարում ներգրավված կազմակերպությունների գործունեությանը: Թեմատիկ գրականության ցանկում ընդգրկված են ոլորտի աշխատանքներն ավելի արդյունավետ դարձնելուն ուղղված հայալեզու հրատարակություններ:

Թեմատիկ ֆիլմերի ցանկում ընդգրկված է մեծամասնությունն այն ֆիլմերի, որոնք սկսած ՄԻԱՎ/ՁԻԱՀ-ի հայտնաբերման օրվանից հանրությանն են ներկայացվել` պատմելով անբուժելի հիվանդության անդառնալի հետևանքների ու այդ հիվանդության հետ դեմ հանդիման դուրս եկած մարդկանց ապրումների, ճակատագրերի մասին: Թեպետ, ինչպես ցույց է տալիս թե թմրամիջոցների և թե ՄԻԱՎ/ՁԻԱՀ-ի ճիրաններում հայտնված մարդկանց փորձը, միևնույն իրականությունն ավելի սարսափելի է, երբ մեծ էկրանից տեղափոխվում է անհատի փոքր կյանք:

Լրացուցիչ տեղեկատվություն բաժնի առկայությունը կոչված է ծառայելու բոլոր նրանց, ովքեր նախընտրում են իմանալ, պաշտպանվել ու պաշտպանել, և որ ամենակարևորն է` օգնել հանդուրժողական վերաբերմունք դրսևորել բոլոր նրանց նկատմամբ, ովքեր թմրամոլությանն ու ՄԻԱՎ/ՁԻԱՀ-ին ծանոթ են անձնապես, այլ ոչ թե հավաստի տեղեկատվության միջոցով: